السنة الضوئية

شنو هي السنة الضوئية؟ ولاش كتصلاح؟

كيما كتشوفو فالصور المرفقة فالاسفل، أن بزاف دالناس عندها فكرة خاطئة على السنة الضوئية

حيت كيسحابليهم أنها وحدة لقياس الزمن، ولكن السنة الضوئية هي وحدة باش 

كنحسبوالمسافات الكبيرة مثلا المسافة بين كوكب الارض و احد النجوم ولا الكواكب . 

دبا السؤال المطروح هو يلا بغينا نعرفو شحال كتساوي هاد السنة الضوئية اولا كيفاش 

يمكن لينا نحسبوها؟ 

الطريقة ساهلة، سبق لينا كاملين قرينا فالرياضيات دالابتدائي

 -وبالضبط فالدرس دالمسائل- أن المسافة 

هي السرعة مضروبة المدة الزمنية،

و كلنا كنعرفو ان سرعة الضوء كتساوي 

تقريبا 300 الف متر فالثانية، وبالنسبة للمدة 

لي فهاد الجالة عندنا هي سنة فحنا كنعرفو

ان العام فيه 365 يوم وكل يوم فيه 24 

ساعة والساعة فيها .... 60 ثانية. ودبا

ماعلينا غير نطبقو العلاقة الاولى وغادي

نلقاو ان السنة الضوئية كتساوي لينا هاد 

الرقم الكبيير 9460730472580800 
 
كيما كتشوفو رقم 9 وموراه 15 لرقم، لي

ممكن نقراوها 9 بليار و 460 بليون و730 مليار و472 مليون 580الف و800 متر.

اودبا يلا بغينا نعرفو بشحال من سنة ضوئية كتبعد الارض على الشمس مع العلم ان 

المسافة لي كتفصلهم بالكيلومتر هي تقريبا 149.6 مليون كيلومتر؟