لوحة الأردوينو Carte Arduino

إذا كانت الثورة الميكانيكية  وفرت على الإنسان مجهودات عضلية كبيرة في مجالات بحال البناء والصناعة وغيرها،
 فراه الثورة المعلوماتية الي جاءت كنتيجة للتطور لي حدث فمجال الالكترونيك   (transistor و les circuits integrés ...)
فالقرن 20 وفرت على الكائن البشري واحد المجهود ذهني كبير، ودكشي كيبانلينا مزيان فالعمليات الي كتقوم بها الحواسيب بدقة وسرعة كبيرة بزااف ولي كنا كنشوفوها فقط فأفلام الخيال العلمي.  

وفهاد الموضوع غادي نتحدثو على واحد اللوحة مفتوحة المصدر كتمكننا من التحكم في بزاف دالتركيبات الكترونية بواسطة البرمجة عوض منستعملو مركبات كهربائية كثيرة
هاد اللوحة الالكترونية هي لوحة الأردوينو Carte arduino

 السؤال المطروح هو علاش الarduino ؟

•  رخيصة فالثمن
• لغة البرمجة ديالها مشتقة من لغة C ، سهلة البرمجة
• وكيما سبق وقلنا أنها مفتوحة المصدر أي أنه يمكن لينا نطلعو على source codes ويمكن لينا كذلك نغيروه ونعدلو حتى التصميم الهندسي على حساب دكشي لي بغينا. ومن فوق هادشي أنه بالمجان
• السهولة ديال استعمالها كتخليك تلقى مجموعة كبيرة دالمشاريع لي كتعتمد على الاردوينو فالانترنت، الشئ لي كيسهل على أي مبتدئ التعامل مع الأردوينو.

بعض أنواع لوحات الأردوينو الموجودة فالسوق

ال Arduino Uno هي الأكثر استعمالا، إذن هي لي غنتحدثو عليها  فهاد الموضوع وحتى المواضيع لي جاية

1: microcontrôleur من نوع Atmega328 وهو بمثابة العقل ديال هاد اللوحة ديالنا، بسرعة 16MHz وذاكرة 32Ko
2: منفذ USB باش كتواصل مع الحاسوب وممكن استعماله للتغذية alimentation
3: منفذ ديال التغذية من الأحسن تكون مابين 7v و 12v

وفيها 14 لمنفذ من (0 حتى ل13) من النوع الرقمي numérique، منها 6  (3 5 6 9 10 11) يمكن لينا نستعملوها كمخارج MLI 

و6 منافذ من النوع التماثلي Analogique من (A0 إلى A5)